Britaniyanın keçmiş Baş Qərargah rəisi Riçard Dannat BBC-yə müsahibəsində bildirib ki, Ukrayna hərbçiləri Rusiya ordusunun müdafiə xəttində zəif cəhətlər axtarır. Onun sözlərinə görə, Kiyev vəd etdiyi əks-hücum əməliyyatına artıq başlayıb.
Dannatın sözlərinə görə, Kaxovka su elektrik stansiyasının dağıdılmasından sonra baş verən daşqın səbəbindən Ukrayna Silahlı Qüvvələri Xerson Krımı ilə irəliləyə bilməyəcək. Bu baxımdan əks-hücum gözlənildiyindən daha ləng başlayır. General bildirib ki, Ukrayna Silahlı Qüvvələri Qərb tankları və digər hərbi texnika ilə Rusiyanın mövqelərinə hücum etmək niyyətindədir.
Dannat Ukrayna Silahlı Qüvvələrinin uğurlu zərbəsinin “Rusiya ordusunun mənəviyyatını poza biləcəyi” fikrini ifadə edib. Böyük Britaniya Kral Birləşmiş Xidmətlər İnstitutunun quru müharibəsi üzrə baş elmi işçisi Cek Uotlinq də eyni mövqedədir.
Uotlinqin sözlərinə görə, Kiyev aydın şəkildə müəyyən edib ki, indi böyük hücumun vaxtıdır, Ukrayna qüvvələri Rusiya hərbçilərini müdafiə mövqelərindən sıxışdırıb çıxarmağa cəhd edə bilərlər.
“Çətin olacaq və çoxlu qurbanlara başa gələcək. Amma uğur qazansalar, bu, müdafiəni yarmaq imkanı yaradacaq”, – deyə ekspert əlavə edib.
Mənbə: BBC
