Yonhap agentliyinin verdiyi məlumata görə, Cənubi Koreya Ukrayna Silahlı Qüvvələri üçün hərbi yardımın alınması məqsədilə NATO-nun rəhbərlik etdiyi Ukraynaya dəstək təşəbbüsünə (PURL (Prioritet Ehtiyaclar Siyahısı) qoşulmağı nəzərdən keçirir.
Cənubi Koreya Xarici İşlər Nazirliyi Ukraynaya dəstək üçün müxtəlif tədbirləri nəzərdən keçirdiyini bildirib. Xarici İşlər Nazirliyinin sözçüsü bildirib ki, Cənubi Koreya hökuməti Kiyev üçün “müxtəlif dəstək tədbirləri” ilə bağlı NATO ilə məsləhətləşmələri davam etdirir.
Yonhap mənbəyinə görə, mümkün variantlardan biri PURL təşəbbüsünə qoşulmaqdır. Lakin qeyd olunur ki, Seulun töhfəsi “öldürücü olmayan avadanlıq”ın tədarükü ilə məhdudlaşa bilər.
