Novinky Çexiyanın nəqliyyat naziri Martin Kupkaya istinadən xəbər verir ki, Çexiya bir il ərzində Yerin müşahidəsi üçün peyk tikib Ukraynaya hədiyyə etməyi planlaşdırır.
Peyk hava və ya günün vaxtından asılı olmayaraq Yer səthində baş verən hadisələr haqqında məlumat toplayacaq. Ukraynada hələ belə texnologiya yoxdur; Kiyev xaricdən alınan məlumatlara arxalanmağa məcburdur.
“Biz inanırıq ki, bu missiya Ukraynaya kosmosda öz imkanlarını gücləndirməyə kömək edəcək və eyni zamanda bu sahədə əməkdaşlığımızı dəstəkləyəcək”, – Kupka bildirib.
