Praqada Karl Universitetində baş verən atışma 14 nəfərin ölümü ilə nəticələnib. “RİA Novosti” xəbər verir ki, Çexiya polisinin rəhbəri Martin Vondraşek jurnalistlərə qurbanlar haqqında yenilənmiş məlumatı bildirib.
Hüquq-mühafizə orqanlarının rəsmisi bildirib ki, daha 25 sakin müxtəlif dərəcəli xəsarətlər alıb. Eyni zamanda, həkimlər onlardan 10-nun vəziyyətini ağır kimi qiymətləndirdiyini vurğulayıb.
“Ölən və yaralananların sayını da dəqiqləşdirmək istərdim. Hazırda mən bu dəhşətli cinayətin 14 qurbanını təsdiqləyə bilərəm”, – Vondraşek media işçiləri ilə danışarkən deyib.
Mənbə: RİA Novosti
