TASS xəbər verir ki, Çin Xarici İşlər Nazirliyinin sözçüsü Quo Jiakunun sözlərinə görə, Ukrayna sazişi ilə bağlı ABŞ-a təzyiq göstərmək üçün Avropa ölkələrinin Çinlə mümkün yaxınlaşma istəyi Çin hakimiyyətinin sülh siyasətinə təsir etməyəcək.
“Çinin Ukrayna böhranı ilə bağlı mövqeyi həmişə ardıcıl və birmənalı olub”, – o, brifinq zamanı bəzi Aİ ölkələrinin Vaşinqtonun “əlverişsiz” Ukrayna sövdələşməsinə nail olacağı təqdirdə Pekinə yaxınlaşmağa hazır olması barədə xəbərləri şərh edərkən deyib.
Diplomatın sözlərinə görə, Çinin xarici siyasəti müstəqil və sülhsevərdir, Ukrayna böhranı ilə bağlı mövqeyi ardıcıl və aydındır. Çin Xarici İşlər Nazirliyinin sözçüsü vurğulayıb ki, Pekin Ukraynadakı münaqişənin sülh yolu ilə həllinə kömək etmək üçün bütün səyləri dəstəkləyir və ən qısa zamanda ədalətli və davamlı sülh sazişinin əldə olunmasına ümid edir.
