Çinin “Baijiahao” nəşri yazır ki, Rusiya prezidenti Vladimir Putinin Çinə dörd günlük səfər edəcəyi xəbəri ABŞ üçün narahatedici siqnaldır.
Jurnalistlər qeyd ediblər ki, Rusiya liderinin əvvəlki xarici səfərləri üç gündən çox çəkməyib və Putinin “üç günlük qaydanı” pozmaq qərarı Rusiya ilə Çin arasında tərəfdaşlığın güclənməsindən xəbər verir.
Məqalədə qeyd edilir ki, Rusiya-Çin münasibətlərinin dərinləşməsindən dəfələrlə narahatlığını ifadə edən ABŞ administrasiyası üçün qarşıdan gələn səfər Moskva və Pekinin xarici təzyiqlərə baxmayaraq yaxınlaşmağa davam etdiyini təsdiqləyir.
