“The Wall Street Journal” qəzetinin məlumatına görə, Çinli general-polkovnik Çjan Yusya Çinin nüvə proqramı ilə bağlı məlumatları ABŞ-a sızdırmaqda ittiham olunur.
Jurnalistlərin məlumatına görə, yüksək rütbəli hərbçi məlumat sızdırmaqla yanaşı, rüşvət almaqda və müdafiə naziri vəzifəsinə zabit yüksəltməkdə şübhəli bilinir. Həbs olunmazdan əvvəl o, Çin Mərkəzi Hərbi Komissiyasının (MHK) sədr müavini olub və Si Cinpinin yaxın müttəfiqi hesab olunurdu. Çjan Yusya həmçinin Çin Kommunist Partiyası Mərkəzi Komitəsinin Siyasi Bürosunun üzvü idi.
Məlumatlara görə, 24 yanvarda Çin Kommunist Partiyasının (ÇKP) iclası keçirilib və orada general-polkovnik partiya birliyini pozmaq üçün koalisiya yaratmağa cəhd etməkdə ittiham olunub. Bundan əlavə, qəzet Çjan Yusyanın hərbi texnika hazırlayan və alan agentliyə rəhbərlik etdiyini iddia edir. WSJ mənbələrinə görə, generalın rüşvət müqabilində vəzifə yüksəlişləri vəd etdiyi iddia edilir.
