iPhone 15 satışları başlayandan qısa müddət sonra məlum oldu ki, Apple smartfon qutularına cihazların həqiqiliyini göstərən gizli simvollar yerləşdirib. Nüfuzlu insayder Majin Bu xəbər verir ki, bir həftədən az müddətdə Çin yeraltı fabrikləri bu etiketləri saxtalaşdırmağı öyrəniblər.
Gizli işarələr yalnız ultrabənövşəyi işıq altında görünə bilər. Onlar qutuları müdaxilədən qoruyan möhürlərə tətbiq olunur. Bu etiketlərdə “iPhone” sözləri və kiçik DataMatrix kodu var. İndi çinlilər bu hiyləni təkrar edə bildilər, hansı ki, alıcılara saxta və işlənmiş iPhone-ları ayırd etməyə kömək etməli idi.
“Çinlilər artıq iPhone 15-in möhürlərini köçürüblər, ona görə də onlayn olaraq yeni iPhone 15 alarkən diqqətli olun və hər şeyin qaydasında olduğundan əmin olmaq üçün bütün lazımi yoxlamaları aparın”, – Majin Bu xəbərdarlıq edib.
Mənbə: Haberler.com
