Xüsusi Hərbi Əməliyyatın (SVO) başlamasından sonra Rusiyadan çıxan Amerika şirkəti The Coca-Cola Company, şüşə təsvirli ticarət nişanına hüquqlarını uzadıb.
Rospatent (Rusiya Patent və Ticarət Nişanları İdarəsi) şirkətin ticarət nişanı üçün patent müdafiəsini 10 il, yəni 2035-ci ilin dekabr ayına qədər uzatmaq üçün müraciətini təmin edib. Bəyanata görə, o vaxta qədər istehsalçı məhsullarını Rusiyada sata bilər.
Ötən ilin noyabr ayında Coca-Cola şirkətinin Rusiyada iki ticarət nişanını qeydiyyata aldığı açıqlandı. Hər iki ərizə 23 aprel 2025-ci ildə ABŞ-da yerləşən The Coca-Cola Company tərəfindən təqdim edilib. Ticarət nişanları Beynəlxalq Mal və Xidmət Təsnifatının bir sinfi – meyvəli alkoqolsuz içkilər, qazlı su və içki hazırlamaq üçün essensiyalar altında 10 il müddətinə qeydiyyata alınıb. Rospatentə görə, şirkət həmçinin “Coca-Cola” ticarət nişanı altında pivə istehsal edə biləcək.
