Süni intellektlə işləyən Apple Intelligence iPhone 16-nın buraxılışı ilə iOS 18-də mövcud olmayacaq.
Bu barədə nüfuzlu insayder və Bloomberg jurnalisti Mark Qurman Power On bülletenində bildirib.
Mənbəyə görə, Apple-ın ilk süni intellekt xüsusiyyətləri oktyabr ayında iOS 18.1-də görünəcək. Bunlara mətnin çıxarılması, bildirişlərin qruplaşdırılması, Mesajlarda təklif olunan cavablar, telefon zənglərinin yazılması və transkripsiya edilməsi və fotolardan arzuolunmaz obyektlərin silinməsi kimi funksiyalar daxildir.
Qurman həmçinin qeyd edib ki, generativ funksiyaların təqdimatı iOS 18.2-nin buraxılması ilə ilin sonuna doğru başlayacaq. Yeni funksiyalara şəkillər yaratmaq üçün Image Playground və istifadəçinin mətn təsviri əsasında emoji yaratmaq üçün Genmoji daxil ediləcəyi gözlənilir. iOS 18.2-nin ilk beta versiyası oktyabrda, stabil buraxılışı isə dekabrda gözlənilir.
ChatGPT-nin inteqrasiyasına və yeni Siri-nin görünüşünə gəldikdə, Tim Kukun sözlərinə görə, OpenAI-dən AI ilin sonuna qədər iOS-da, ehtimal ki, iOS 18.2-də görünəcək. Yenilənmiş Siri-nin buraxılışı yazda, iOS 18.4 versiyasında planlaşdırılır.
Mənbə: Autotech
