Danimarka hökuməti Ukraynaya infrastrukturun bərpası, elektrik və istilik təchizatının təmin edilməsi, həmçinin minaların aşkar edilməsi və təmizlənməsi məqsədi ilə növbəti yardım paketi təqdim edəcəyini açıqlayıb. “Report” TASS-a istinadən xəbər verir ki, bu barədə Danimarka Xarici İşlər Nazirliyinin press-relizində bildirilib.
Bu paket üç istiqamətə malik olan “Ukrayna Fondu” çərçivəsində ayrılan üçüncü paket oldu: hərbi dəstək, vətəndaş cəmiyyətinə dəstək və özəl sektora dəstək. Bu dəfə onun həcminin 151 milyon kron (22,2 milyon dollar) olacağı dəqiqləşib.
Press-relizdə deyildiyi kimi, Danimarka böyüklüyünə görə Ukraynaya ən böyük dəstək verən ölkələr sırasındadır. Yeni paketi nəzərə alaraq, bu məqsədlər üçün 30,95 milyard kron (4,5 milyard dollar) xərcləyib.
Mənbə: TASS
