Bosniya və Herseqovinanın Serb Respublikasında hakim partiya olan Müstəqil Sosial Demokratlar Alyansının lideri Milorad Dodik sosial mediada ABŞ prezidenti Donald Trampa sanksiyaların ləğvinə görə təşəkkür edib.
Dodik yazıb: “ABŞ prezidenti Donald Trampa və müttəfiqlərinə Serb Respublikasına, onun nümayəndələrinə və onların ailələrinə qarşı edilən ağır ədalətsizliyi, Bayden və Obama administrasiyaları tərəfindən törədilən ədalətsizliyi düzəltdiklərinə görə minnətdaram”.
29 oktyabrda ABŞ Maliyyə Nazirliyi Dodik, oğlu İqor və qızı Qoritsanın sanksiyalardan çıxarıldığını elan edib. Vaşinqton əvvəllər Bosniya serblərinin liderinə qarşı iki dəfə – 2017 və 2022-ci illərdə sanksiyalar tətbiq etmişdi.
