DSK-dan NAMİZƏDƏ qarşı ədalətsizlik-CƏNAB PREZİDENTƏ AÇIQ MƏKTUBbackend

Hörmətli cənab Prezident:

Cənab Prezident İlham Əliyev Mən 1992-ci il təvəllüdlü Hacıağayev Nəzərbəy Hacıağa oğlu sizin ölkədə apardığınız uğurlu daxili və xarici siyəsətdən, gənclərə verdiyiniz dəstəkdən ilhamlanaraq 28 Saylı Sabunçu III seçki dairəsindən 9 fevral 2020-ci ildə ölkəmizdə keçiləcək və sizin tərəfdən aparılan islahatların tərkib hissəsi olan Növbədən kənar Parlament seçkilərində iştirak etmək üçün namizədliyimi irəli sürmək qərarına gəldim. Ancaq sənədlərimi Dairə Seçki Komisiyasına təqdim etdikdən sonra mənə qarşı çox ciddi ədalətsizliklər və süründürməçilik başladıldı. Dekabrın 10-da sənədlərimi təqdim etməyimə baxmayaraq yalnız dekabrın 29-da bildiriş ala bilmişəm. Halbuki, bildirişin verilməsi qanunvericiliyə görə dərhal baş tutmalıdır. Həmin DSK-nın katibi Nürəddin Bababayev mənə sənə bildirş və imza vərəqlərni eyni anda verəcəyini deyib. Ancaq onun bu vədi baş tutmadı. Yalnız MSK qaynar xəttinə zəng etdikdən sonra və onların müdaxiləsindən sonra DSK-dan mənə imza vərəqələri Yanar ayının 3-də təqdim olunub. Mənə imza vərəqlərinin təqdim edilməsinə baxmayaraq Beynəlxalq Bankda açdığım xüsusi hesab və gəlirlərim haqqında deklarasiya sənədini məndən qəbul etməyiblər. Yenə Katib Nürəddin Babayev bu prosedurun imzalar yığıldıqda sonra baş tutacağını bildirib. Namizədliyimin qəbulu üçün imza toplama zamanı xüsusi əngəllər yaradılıb. Bir çox vətəndaş şəxsiyyət vəsiqələrinin hazır ki, millət vəkili və rəqibimiz olan Eldar Quliyev tərəfindən onlardan alındığını bildirdi. Xüsusən də Nardaran kəndinə girişim əngəllənib. Polis bölməsindən verilən məlumata görə bu girişin əngəlləməsi DSK-dan gələn əmrlə bağlıdır. Yenə MSK-nın qaynar xəttinə müraciətimizdən sonra kənd ərazisində rahat imza toplaya bilmişik. Yanvar ayın 10-da saat 16:00 da DSK-ya imza vərəqələrimi təqdim etdiyim zaman mənə gəlirlərimin deklorasiyası haqqında sənədin onlara təqdim etmədiyimi bildiriblər. Ancaq qanunverciliyə görə bu qanun pozuntusunun tək günahkarı məhs onlar özləridir. Onlara verdiyim “əgər sənədlərim düz deyildisə niyə mənə imza vərəqləri vermisiz” sualına heç bir cavab ala bilmədim. MSK-nın qaynar xəttinə dərhal müraciətimdən sonra mənə deyilən o oldu ki, bizə sənə blakları təqdim etmişik sən itirmisən. Halbuki, həmin blankların formasını mən elə bu gün görmüşəm. Bundan əlavə DSK-ya daxil olduğum zaman DSK sədri Hacıbala müəllimi öz gözlərimlə kabinetində görsəmdə katibəsi Natəvan xanım məni itəliyərək otaqdan çıxartdı. Sədrin qapsını özləri açarla bağlıyıb, yalnız sədr çağıdığı zaman içəri daxil olurlar. DSK sədrinin orda olmasına baxmayaraq hər biri sədrin biri min and içərək sədrin burda olmadığını vurğuladı. MSK-nın təyin etdiyi vaxt zamanı sədrin orda olmaması və namizədi qəbul eləməsi və onların dediyi kimi orda olmaması qanunverciyliyə tamilə ziddir. Siz öz çıxışlarınız zamanı məmurlara xalqa xidmət eləməsini və onlarına vətəndaşlar heç bir bürokratik əngəl olmadan qəbul etməyi tələb etmisiz. Mən bir gənc olaraq hər zaman ailəmlə bir yerdə sizin xarici və daxili dəstəkləmiş, seçki zamanı ailəmin səsvermə hüququ olan hər bir kəsi sizə səs vermiş. Bu gün bu məsələnin həllində sona qədər mən, ailəm, dostlarım ,mənim imza tolpamağıma dəstəy olan şəxslər və imza vərəqlərimdə imzaları olan 500 nəfər Maştağa, Nardaran, Bilgəh, və Zabrat sakinləri sizə inanırıq. Sizdən xahiş edirik ki, mənim, bir namizədin, sizi sona qədər dəstəkləyən bir Azərbaycan gəncinin, özünü daim sizin əsgəriniz hesab edən şəxsin və 500 nəfər imza vərəqlərində ismi və imzası olan şəxslərin hüquqlarının müdafiəsində bizə kömək olasız.

İctimai.az