Əfqanıstanın Rusiyadakı səfiri Gül Həsən TASS agentliyinə verdiyi müsahibədə ölkənin təhlükəsizlik səviyyəsinin hazırda son 40 ilin istənilən vaxtından daha yüksək olduğunu bildirib.
Diplomatın sözlərinə görə, mövcud təhlükəsizlik vəziyyəti regional səviyyədə nümunəvi hesab olunur. Səfir qeyd edib ki, Taliban 2021-ci ildə Əfqanıstan üzərində tam nəzarəti ələ keçirdikdən sonra ölkədə sabit təhlükəsizlik təmin edilib və dövlət sərhədləri milli təhlükəsizlik qüvvələri tərəfindən idarə olunur.
O əlavə edib ki, son aylarda xarici müdaxilə cəhdlərini göstərən tək-tək insidentlər baş verib, lakin ümumilikdə heç bir əhəmiyyətli təhlükəsizlik təhdidi müşahidə olunmur. Gül Həsən vurğulayıb ki, bütün qonşu dövlətlər Əfqanıstan təhlükəsizlik sisteminin etibarlılığına və sabitliyinə əmin ola bilərlər.
