Suriyanın yeni hakimiyyəti rəsmi olaraq Rusiyadan ölkənin keçmiş prezidenti Bəşər Əsədin ekstradisiyasını istəyib. Bu barədə “Al Arabiya” telekanalı X sosial şəbəkəsindəki hesabında məlumat yayıb.
Suriya lideri Əhməd əl-Şaraanın sözlərinə görə, ölkə hakimiyyəti Əsədi mühakimə edəcək.
Bundan əvvəl Rusiya prezidenti Vladimir Putin Suriya dövlətinin başçısı Əhməd əl-Şaraya mesaj göndərib. Peskovun sözlərinə görə, Putin mesajında ölkənin suverenliyi, müstəqilliyi, birliyi və ərazi bütövlüyünün təmin edilməsi maraqları naminə ölkədə vəziyyətin tezliklə sabitləşdirilməsi səylərini dəstəkləyib.
