Daha əvvəl özünü ateist adlandıran amerikalı iş adamı İlon Mask Allahın varlığına inanmağa başladığını açıqlayıb. Onun sözlərini Daily Mail yayıb.
“Mən inanıram ki, bu kainat nədənsə yaranıb… İnsanların Allah haqqında müxtəlif təsəvvürləri var” – deyə Musk ABŞ prezidentinin müşavirinin həyat yoldaşı Keti Millerin aparıcılıq etdiyi podkastda danışıb.
Nəşrin qeyd etdiyi kimi, 2022-ci ildən bəri Musk əsas xristian dəyərlərinə artan hörmətindən dəfələrlə danışıb və hətta “onların dərin müdrikliyini qiymətləndirmədiyi üçün axmaq” olduğunu etiraf edib.
2024-cü ildə o, İsanın məhəbbət, xeyirxahlıq və bağışlama təlimlərini müdrikliyi və sosial dəyərinə görə tərifləyərək özünü “mədəni xristian” adlandırdı. Bununla belə, bir podkast epizodunda SpaceX və Tesla-nın rəhbəri aydınlaşdırdı ki, “bizim yaradıcımız sadəcə olaraq nəhəng kompüter simulyasiyası işlədir və bizim həyatımız kiminsə video oyunundan başqa bir şey deyil”.
