Türkiyə prezidenti Rəcəb Tayyib Ərdoğan bəyan edib ki, NATO-ya üzv dövlətlər Moskva və Kiyevlə münasibətlər qurarkən Ankaranın mövqeyini nəzərə almalıdırlar. Türkiyə lideri Fox News-a müsahibəsində fikirlərini bölüşüb.
“NATO həm Rusiya, həm də Ukrayna üçün tətbiq etdiyimiz modeldən istifadə etməlidir”, – siyasətçi vurğulayıb.
İyulun 23-də İstanbulun Çırağan sarayında Rusiya və Ukrayna nümayəndə heyətləri arasında münaqişənin həlli yollarının tapılmasına həsr olunmuş danışıqların üçüncü raundu keçirilib. Bu görüş zamanı Rusiya tərəfi mübahisəli məsələləri onlayn müzakirə etmək üçün üç işçi qrupunun yaradılmasını təklif edib. Ukrayna nümayəndələri bu təklifə baxacaqlarına söz veriblər. Rusiya prezidentinin köməkçisi, Rusiya nümayəndə heyətinin rəhbəri Vladimir Medinski qeyd edib ki, üçüncü raundda münaqişənin dayandırılması prinsipləri ilə bağlı hər iki tərəfin imzaladığı memorandumların müzakirəsinə xeyli vaxt ayrılıb.
