Türkiyə prezidenti Rəcəb Tayyib Ərdoğan ölkəsinin Avropa Birliyinə üzv olmaq cəhdlərini əngəlləmək üçün heç bir izahat görmədiyini bildirib. Bu barədə TASS “Anadolu” agentliyinə istinadən məlumat yayıb.
Budapeştdə keçirilən Avropa Siyasi Birliyinin sammitində dövlət başçısı qeyd edib ki, “Türkiyə kimi namizəd ölkənin Aİ-yə üzvlük prosesinin uzun illər əngəllənməsinin ağlabatan izahı yoxdur”.
O, respublikanın qitənin çiçəklənməsinə və təhlükəsizliyinə mühüm töhfə verdiyini xatırladıb. Ərdoğan Aİ-ni Türkiyədə terrorçu elan edilən Kürdüstan Fəhlə Partiyası və FETÖ ilə mübarizədə “konkret əməkdaşlığa” çağırıb.
Mənbə: TASS
