BBC-nin verdiyi məlumata görə, xilasedicilər Filippində dağıdıcı “Raqasa” tayfunu ölkənin şimalına çatdıqdan sonra minlərlə sakini təxliyə ediblər.
Küləyin sürəti 230 km/saata (144 mil/saat) çatan qasırğa sentyabrın 22-də Caqayan əyalətindəki Panuitan adasını vurub. Sinoptiklər onun cənub Çinə doğru istiqamət alacağını proqnozlaşdırırlar. Daşqın və torpaq sürüşmələri gözlənilir.
Çin hakimiyyəti 400 mindən çox insanı təxliyə etməyi planlaşdırır: qasırğa Quanqdonq əyalətinə təsir edə bilər. Artıq yüzlərlə insan Tayvandan təxliyə edilib. Adaya bərə səfəri dayandırılıb, vətəndaşların meşələrə və təbiət yollarına getməsi qadağan edilib. Bir neçə Çin aviaşirkəti uçuşları dayandırıb.
