Finlandiya prezidenti Alexander Stubb Rusiya atəşi dayandırarsa və qoşunlarını Ukrayna ərazisindən çıxararsa, anti-Rusiya sanksiyalarının “tədricən” ləğv edilməsini təklif edib. Onun sözlərini The Times nəşri sitat gətirib.
Onun sözlərinə görə, iki mərhələli plan atəşkəs və etimadın möhkəmləndirilməsi tədbirlərindən başlamalıdır. Siyasətçi hesab edir ki, bütün digər məsələlər, o cümlədən ərazi güzəştləri və qoşunların çıxarılması daha sonra müzakirə olunmalıdır.
“Biz Rusiyaya təzyiq etməyə davam etməliyik. Ancaq atəşkəslə başlasaq və sonra sanksiyaların tədricən ləğvini Rusiyanın hərbi əməliyyatları dayandırmasının və qoşunların çıxarılmasının qiyməti kimi görməyə başlasaq, o zaman bunu bir fürsət kimi görürəm. Amma Avropanın sanksiyaları bir gecədə qaldıracağını düşünmürəm”, – Stubb deyib.
