Finlandiyanın “Utti” Yaeger Alayının helikopterləri 12 yanvardan etibarən Finlandiyanın cənubunda, Rusiya ilə sərhəddə təlim keçirəcək.
Bu barədə Finlandiya Quru Qoşunlarının saytında məlumat verilib.
NH90 və MD500 helikopterlərinin təlim uçuşları Kymenlaakso bölgəsində baş tutacaq.
Təlimlərə kobud ərazilərdə enişlər və alçaq hündürlükdə uçuşlar daxil olacaq.
Finlandiya Müdafiə Nazirliyi bir müddət əvvəl ölkənin müdafiə qüvvələrinin bu il 122 beynəlxalq və milli təlimdə iştirak edəcəyini açıqlamışdı.
