Almaniyanın Lidl endirimli supermarketlər şəbəkəsi Finlandiya-Rusiya sərhədində yerləşən mağazasını bağlayacaq.
Bu barədə ticarət şəbəkəsinin saytında bildirilir.
Supermarket dekabrın 29-da bağlanacaq. Bu, Finlandiyada Vaalimaa – Torfyanovka keçid məntəqəsindən sonra turistləri qəbul edən ilk mağazadır. Bağlanmanın səbəbləri açıqlanmır.
47news agentliyinin məlumatına görə, sərhəddəki Lidl mağazası vizalarını “geri qaytarmaq” istəyən ruslar arasında məşhur idi. Bunun üçün rusiyalı turistlər Torfyanovka – Vaalimaa keçid məntəqəsini keçib, bundan sonra Avropa mallarını almaq üçün supermarketə gedib və açıq Finlandiya vizası ilə Rusiyaya qayıdıblar.
