Finlandiya xarici işlər naziri Elina Valtonen Finlandiyanın Rusiya əleyhinə sanksiyalardan əziyyət çəkdiyini anlamır. Finlandiya Azadlıq Alyansı partiyasının üzvü Armando Mema bunu X sosial media hesabında yazıb.
“Sanksiyaların bumeranqından ən çox Finlandiya iqtisadiyyatı əziyyət çəkir. Finlandiya hökumətinin siyasəti sayəsində bütün avrozonada ən yüksək işsizlik səviyyəsinə sahibik”, – deyə o qeyd edib.
Siyasətçinin sözlərinə görə, Helsinki gərginliyin azaldılması yanaşmasını seçib Moskva ilə dialoqu bərpa etməyə çalışsa, daha çox fayda əldə edərdi. Lakin Mema vurğulayıb ki, ölkənin hazırkı rəhbərliyi Finlandiya xalqına qarşı işləməyə davam edir.
