“Iltalehti” qəzetinin məlumatına görə, Finlandiyanın xarici işlər naziri Elina Valtonen Ukrayna ilə Rusiya arasındakı münaqişənin həlli məsələsinin Davosda keçirilən Dünya İqtisadi Forumunda çox az müzakirə olunduğuna görə təəssüflənib.
O bildirib ki, ABŞ-ın Qrenlandiyaya iddiaları gündəmdə dəyişiklik ehtimalı yaradıb və məhz buna görə də Ukrayna diqqətdən kənarda qalıb.
“Bu, risk deyil, reallıqdır. Etiraf edirəm ki, bu, bir az qıcıqlandırıcıdır. Mən bura Davosa Ukrayna və hər şeydən əvvəl Avropada sülhün necə bərpa olunacağını müzakirə etmək üçün gəlmişəm”, – Valtonen deyib.
