ABŞ və Böyük Britaniyadan olan fiziklər, qalaktikaların mərkəzində termonüvə birləşməsindən deyil, qaranlıq maddə hissəciklərinin məhvindən enerji alan xüsusi ulduzların ola biləcəyini irəli sürdülər. İş “Journal of Cosmology and Astroparticle Physics” (JCAP) jurnalında dərc olunub.
“Kainatın 25%-i işıq yaymayan maddədən ibarətdir. Biz onu birbaşa görmürük, lakin biz onun cazibə təsirini hiss edirik – bu qaranlıq maddədir” deyə Havay Universitetindən professor Ceremi Saktin izah edir.
Qaranlıq maddə üçün aparıcı namizədlər arasında zəif qarşılıqlı təsir göstərən kütləvi hissəciklər (WIMPs) var. Onlar işıq yaymırlar, əks etdirmirlər və adi maddə ilə demək olar ki, qarşılıqlı təsir göstərmirlər, lakin ulduzlarda cazibə qüvvəsi ilə toplana bilirlər. Teorik olaraq, əgər belə hissəciklər ulduzun içində toqquşaraq məhv olarsa, bu, enerjini buraxıb ulduzu qızdıra bilər.
Alimlər deyirlər ki, qaranlıq maddə sıxlığı yüksək olan ərazilərdə qəhvəyi cırtdanlar adlanan kiçik ulduzlar öz nüvələrində qaranlıq maddə toplaya bilər. Əgər o, həqiqətən də WIMP-lərdən ibarətdirsə, onlar ulduzu “gücləndirəcək” enerjini məhv edib sərbəst buraxa bilərdilər.
