Euronews xəbər verir ki, Fransada artan tələbat və istehsalın azalması səbəbindən yumurta supermarket rəflərindən yox olmağa başlayıb.
Kanalın məlumatına görə, alıcılıq qabiliyyətinin azalması səbəbindən getdikcə daha çox fransız əti yumurta ilə əvəz edir, lakin istehsal istehlaka uyğun gəlmir.
Fransada orta hesabla hər il adambaşına 220-dən çox yumurta istehlak olunur. Ölkə əhalinin ehtiyaclarını ödəmək üçün hər il əlavə 300 milyon yumurta tələb edir. Hesabatda qeyd olunur ki, fermerlər bunun öhdəsindən gələ bilmirlər və çatışmazlıq nə kənd təsərrüfatı etirazları, nə də quş qripi ilə əlaqəli deyil.
