Fransalı Avropa Parlamentinin üzvü Natali Luazo NATO-nun baş katibi Mark Rutteni X sosial media platformasında Avropaya qarşı kobud mövqeyinə görə tənqid edib.
“Bu, çirkin bir an idi. Rutte avropalılara qarşı kobud olmağın [ABŞ prezidenti Donald] Trampı məmnun edəcəyini düşünür. Bizə Tramp fanatikləri lazım deyil. NATO ABŞ-Avropa səylərində tarazlığı bərpa etməlidir”, – Luazo deyib.
Tənqid Ruttenin Avropa Parlamentindəki açıqlamalarından qaynaqlanıb. O, Donald Trampla yazışmalarının dərc olunmasına açıq olduğunu bildirib, amerikalı siyasətçini tərifləyib və AB-ni ABŞ olmadan müstəqil müdafiə haqqında “xəyal qurmağı dayandırmağa” çağırıb.
