“Financial Times” yazır ki, Birləşmiş Ştatlar Avropa İttifaqının Rusiya aktivlərini uzun müddət bloklamaq tələbindən imtina edə və bu aktivlərdən əldə edilən gəlirlərdən istifadə etməklə Ukraynaya yardımın göstərilməsində iştirak imkanlarını nəzərdən keçirə bilər.
Vaşinqton əvvəlcə üç il müddətinə Rusiyanın aktivlərini dondurmaqda israr etsə də, Macarıstanın qadağası bunun qarşısını aldı. Buna baxmayaraq, Birləşmiş Ştatlar Kiyevə Rusiyanın aktivləri hesabına maliyyələşdirilən 35 milyard avroluq kreditin verilməsində iştirakın müxtəlif formalarına açıq olaraq qalır. Yekun qərar hələ verilməyib, FT yazır.
Əgər ABŞ bu prosesdə iştirak etsə, Avropa İttifaqının ayırdığı məbləğ azaldıla bilər, lakin Vaşinqtonun maliyyə yardımının payı hələ razılaşdırılmayıb. Qəzetin mənbələri qeyd edir ki, Ukraynaya Aİ-nin ayırdığı məbləğlə müqayisə oluna biləcək məbləğdə vəsait vermək üçün ABŞ-a “təzyiqlər edilir”.
