Gürcüstan Dövlət Təhlükəsizliyi Xidmətinin (DTX) əməkdaşları, müstəntiqlərin fikrincə, “İslam Dövləti” terror təşkilatının üzvləri üçün baza yaratmağa hazırlaşan üç nəfərin həbsi barədə məlumat veriblər.
Bu barədə DTX rəhbərinin birinci müavini Laşa Maqradze məlumat yayıb.
Təhlükəsizlik xidmətinin məlumatına görə, qrup üzvləri qeyri-qanuni yollarla İŞİD-in nüfuzlu üzvlərini ölkəyə gətirməyi və onların rəhbərliyi altında Gürcüstanda möhkəmlənməyi planlaşdırıblar. Respublikadan həmfikir şəxslər üçün tranzit məntəqəsi kimi istifadə olunmaq, logistik marşrutların təşkili və terror fəaliyyətinin həyata keçirilməsi nəzərdə tutulurdu.
Araşdırmalar davam edir və DTX saxlanılanların beynəlxalq terror təşkilatları ilə mümkün əlaqələrinin təfərrüatlarını aydınlaşdırır.
