Şəkər heç bir qida dəyəri olmayan yüksək kalorili qidadır. Onun həddindən artıq istehlakı piylənmənin və digər təhlükəli xəstəliklərin, o cümlədən 2-ci tip diabetin və digər sağlamlıq problemlərinin inkişafına kömək edir. Bu barədə Gazeta.Ru-ya “SM-Clinic” Reproduktiv Sağlamlıq Mərkəzinin mama-ginekoloqu İdiliya Orfanova məlumat verib. O, qadın sağlamlığı üçün ən zərərli məhsulların adını çəkib.
“Yadda saxlamağa dəyər ki, sintetik tatlandırıcıların istehlakı da sağlamlıq problemlərinə səbəb ola bilər. Baldan çox istifadə etməməlisiniz, çünki onun tərkibində qadın hormonlarının səviyyəsini azaldan və kişi hormonlarının istehsalını artıran bor var”, – Orfanova bildirib.
Həkimin adını çəkdiyi ikinci zərərli məhsul isə marqarin olub. Tərkibində çox miqdarda trans yağlar var ki, bu da qadının sağlamlığına ciddi zərər verə bilər – çəki artımından xərçəngə tutulma riskinə qədər.
Mənbə: Gazeta.ru