İstifadə müddəti bitmiş dekorativ və dəriyə qulluq kosmetiklərindən istifadə sızanaqlara, kimyəvi yanıqlara və göz infeksiyalarına səbəb ola bilər.
Corewell Health William Beaumont Universiteti Xəstəxanasının plastik cərrahı doktor Entoni Yun Daily Mail-ə bildirib.
Həkim bildirib ki, kosmetik məhsullarda rəngini və formasını qorumaq üçün istifadə olunan konservantlar zaman keçdikcə öz xüsusiyyətlərini itirərək, məhsulları bakteriya və göbələk çirklənməsinə qarşı həssas edir. Göz və qaş nahiyəsinə tərkibi dəyişdirilmiş kosmetik vasitələrin tətbiqi xüsusilə təhlükəli ola bilər. Mikroblarla təmas həm göz infeksiyalarına, həm də allergik reaksiyalara səbəb ola bilər.
Sənaye tövsiyələrinə görə, tuş və maye göz layneri ən azı üç ayda bir, qaş qələmləri isə ən azı ildə bir dəfə dəyişdirilməlidir.
Qeyd olunur ki, köhnəlmiş kosmetik vasitələrin tərkibində beyin qişasının iltihabı olan meningitə səbəb olan enterococcus faecalis ştammı da daxil olmaqla ölümcül bakteriyalar ola bilər. Bəzi tədqiqatlar həmçinin göstərmişdir ki, vaxtı keçmiş tonal krem, dodaq parıldadıcısı və digər məhsullarda bakterial vaginoza səbəb olan eubakteriyalar və qastroenterit və yara infeksiyalarına səbəb olan aeromonalar ola bilər.
