Kataloniya Biomühəndislik İnstitutunun ispan alimləri koronavirus xəstəliyinin şiddətini qiymətləndirmək üçün ucuz və sürətli üsul hazırlayıblar. Bunun üçün onlar COVID-19 xəstələrinin öskürək səsini təhlil ediblər. Tədqiqat European Respiratory Journal (ERJ) elmi jurnalında dərc olunub.
Mövcud Covid diaqnostik alətləri əsasən rentgenoqrafiya, ultrasəs və kompüter tomoqrafiyası kimi bahalı və yüksək texnologiyalı görüntüləmə üsullarına əsaslanır. Buna görə də, həkimlər həm xəstəxanada, həm də evdə xəstələrin vəziyyətini qiymətləndirmək üçün daha əlçatan bir üsula ehtiyac duyurlar.
Tədqiqatçılar infeksiyadan sonra ilk 24 saat ərzində xəstəxanaya yerləşdirilən 70 COVID-19 xəstəsinin öskürək səslərini tədqiq ediblər. Yazıların akustik təhlili infeksiyanın şiddətindən asılı olaraq əhəmiyyətli fərqlər göstərdi.
Mənbə: Lenta.ru
