Hindustan-ın məlumatına görə, Hindistanda 103 yaşlı bir qadın öz dəfn mərasimində “həyata qayıdıb”.
Jurnalistlərin məlumatına görə, hadisə Maharaştra ştatında baş verib. Yerli 103 yaşlı Qanqabai adlı qadının öldüyü ehtimal edilir və onun dəfn mərasiminə hazırlıqlar başlayıb. Ənənəyə uyğun olaraq, onun evində çadır qurulub və qadın dəfn sarisi geyinib.
Dəfn mərasimində qadının çox sayda qohumu və dostları iştirak edib. İzdiham onun cəsədini daşımaq üçün nəqliyyat vasitəsini gözləyərkən Qanqabai qəfildən tərpənməyə və oturmağa başlayıb.
Məqalədə vurğulanır ki, “Ən təəccüblüsü odur ki, bu, onun ad günündə baş verib”.
Qadının ailə üzvləri hadisəni möcüzə adlandırıblar. Nəticədə dəfn mərasimi 103 yaşlı Qanqabai üçün ad günü şənliyinə çevrilib.
