Hindistanda Karnataka ştatından olan fermerlər yerli meşə idarəsinin əməkdaşlarını pələng qəfəsinə salıblar.
Bu barədə “Deccan Herald” (DH) qəzeti məlumat yayıb.
Nəşrin məlumatına görə, insident sentyabrın 9-da Bandipur Milli Parkının yaxınlığındakı Çamarajanaqar rayonunun Bommalapur kəndində baş verib. Yerli sakinlər üç gün əvvəl bir buzovu öldürən pələngin tutulması üçün meşəçilərdən kömək istəyiblər. Heyvan üçün qəfəs gətirdilər, amma onu içəri çəkməyə çalışmadılar.
Meşəçilərin pələngi tutmaqda səhlənkar yanaşması fermerləri qəzəbləndirib. Onların sözlərinə görə, dəfələrlə idarə əməkdaşlarından ərazidə asayişi bərpa etməyi tələb etsələr də, xahişlərinə məhəl qoyulmayıb.
