Prezident İlham Əliyev 22 iyul – Milli Mətbuat Günü ilə bağlı “Facebook” hesabında paylaşım edib.
İctimai.az xəbər verir ki, paylaşımda deyilir:
“Əsası “Əkinçi” ilə qoyulan, maarifçilik, müasirlik və müstəqillik ideyalarının daşıyıcısı olan Azərbaycan mətbuatı hər zaman ölkəmizin həyatında mühüm rol oynamışdır”.
Azərbaycan Respublikasının Birinci vitse-prezidenti Mehriban Əliyeva 22 iyul – Milli Mətbuat Günü ilə bağlı “Instagram” hesabında paylaşım edib.
Hörmətli KİV nümayəndələri! Əziz dostlar!
Sizi Azərbaycan milli mətbuatının 145 illik yubileyi münasibətilə səmimi-qəlbdən təbrik edirəm! Hər birinizə möhkəm cansağlığı, səadət, sevinc, nikbinlik, tükənməz enerji, yaradıcılıq uğurları və yeni-yeni nailiyyətlər arzulayıram!