Polşa xəbər agentliyi PAP-ın məlumatına görə, ilk Polşa kəşfiyyat peykləri 10 noyabrda Yer kürəsinin aşağı orbitinə buraxılacaq.
Bunlar çox qısa müddət ərzində hazırlanmış və bütün hava şəraitində məlumat ötürə bilən radarlarla təchiz olunmuş üç ICEYE peykidir. Peyklər artıq məlumatların qəbulu və emalı üçün yerüstü mərkəz qurmuş Polşa Ordusu tərəfindən idarə olunacaq. Peyklərlə ilk rabitə sessiyası 11 noyabrda planlaşdırılır.
Buraxılış amerikalı sahibkar Elon Maska məxsus SpaceX şirkətinin raketi vasitəsilə həyata keçiriləcək.
