Kənd Təsərrüfatı Nazirliyində yeni təyinat baş tutub.
İctimai.az xəbər verir ki, bu barədə nazir İnam Kərimov müvafiq əmr imzalayıb. Əmrə əsasən, Valeh Əsədov Göygöl Dövlət Aqrar İnkişaf Mərkəzinin direktor müavini – Maliyyə-təsərrüfat sektorunun müdiri təyin edilib.
Azərbaycan Dövlət Aqrar Universitetinin məzunu olan Valeh Əsədov, Aqrar İnkişaf Könüllüləri hərəkatının təşəbbüs qrupunun üzvüdür. O könüllü fəaliyyətlərinə görə, müxtəlif dövlət qurumları tərəfindən dəfələrlə təltif olunub. Onun sonuncu iş yeri Kəpəz Televiziyası olub.
