Azərbaycan Respublikası Gənclər Fondunun maliyyə dəstəyi ilə “İdeyanı Reallaşdır 2023” fərdi qrant müsabiqəsinin qalibi Ravin Atakişiyevin “İntellekt Akademiyası” layihəsinin final mərhələsi baş tutub.
Final turunda 14-29 yaş aralığında və seçim turlarını uğurla keçmiş komandalar iştirak ediblər.
Komandalar əvvəlki oyunlarda yığdıqları təcrübələrə əsasən finalda öz güclərini sınayıblar.
Final turunda “Sevgi” komandası “İntellekt Akademiyası” layihəsinin qalibi, “Paradox” və “Paradox+” komandaları isə müvafiq olaraq 2 və 3-cü yeri tutublar.
Komandalar kubok, medal və sertifikat ilə təltif olunublar.
Final mərhələsində iştirak edən hər bir gənc “Layihədə iştirak” etdiyinə görə təltif olunublar.
Layihənin məqsədi gənclər arasında intellektual cəmiyyətin formalaşması, intellektual şəbəkələşməni təmin etməkdir.
Qeyd edək ki, Gənclərin İnkişaf və Karyera Mərkəzinin Mil-Muğan regional nümayəndəliyi layihənin tərəfdaşı qismində çıxış edir.
