İranın İsrailin istənilən təcavüzünə cavabı əvvəlkindən “daha güclü və daha dağıdıcı” olacaq.
Reuters yazır ki, bunu İslam İnqilabı Keşikçiləri Korpusunun (SEPAH) komandiri Hüseyn Salami İsrailin gözlənilən zərbəsi barədə məlumat fonunda bildirib.
Onun sözlərinə görə, İran ordusu istənilən ssenariyə, o cümlədən müharibəyə hazırdır.
İyunun 12-də Amerikanın “New York Times” qəzeti yazıb ki, İran hakimiyyəti İsrailin İslam Respublikasının nüvə obyektlərinə mümkün zərbəsinə cavab hazırlayıb. Adının çəkilməsini istəməyən İran rəsmisinin sözlərinə görə, artıq ölkənin hərbçiləri və hökumət nümayəndələri əks-hücumla bağlı görüşlər keçiriblər.
