İranın Fars əyalətinin Mərvdəşt-Səadət magistral yolunda sərnişin avtobusu aşıb.
Bu barədə “Azad İran” “Telegram” kanalı Fars əyalətinin Fövqəladə Hallar İdarəsinə istinadla xəbər verib.
Bildirilir ki, hadisə bu gün səhər saatlarında baş verib.
Qəza nəticəsində azı dörd nəfər həlak olub, 25 nəfər müxtəlif dərəcəli xəsarətlər alıb.
Yaralılar xəstəxanaya yerləşdiriliblər.
