İraqın baş naziri Məhəmməd əl-Sudani şənbə günü ABŞ-ın yeni seçilmiş prezidenti Donald Trampla telefon danışığı aparıb.
Bu barədə INA agentliyi baş nazirin mətbuat xidmətinə istinadən xəbər verir.
Telefon danışığı zamanı əl-Sudani Trampı seçkilərdəki qələbəsi münasibətilə təbrik edib. Bundan əlavə, siyasətçilər iki ölkə arasında strateji tərəfdaşlığı inkişaf etdirmək və ikitərəfli münasibətləri iqtisadiyyat, maliyyə, enerji və texnologiya sahələrində sıx əməkdaşlıq vasitəsilə təhlükəsizlik aspektindən kənarda gücləndirmək öhdəliyinə sadiq olduqlarını təsdiqləyiblər.
İraqın baş naziri həmçinin Trampa bildirib ki, o, regionda müharibələrə son qoymaqla bağlı seçki kampaniyasında verdiyi sözlərin yerinə yetiriləcəyinə ümid edir və bu məsələdə əməkdaşlıq təklif edib.
