Baidoa Online xəbər portalının məlumatına görə, Moqadişoda “Əş-Şəbab” qruplaşmasından olan radikal islamçılar Somalinin Milli Kəşfiyyat və Təhlükəsizlik Agentliyinə məxsus həbsxana kompleksinə hücum edərək bir neçə nəfəri öldürüblər.
Hücum kompleksin qapılarında minalanmış avtomobilin işə salınması ilə başlayıb. Partlayışdan sonra silahlı yaraqlılar kompleksə daxil olub və mühafizəçilər ilə atışma başlayıb. Portalın dərc etdiyi kadrlarda partlayış nəticəsində dağıntılar, ölənlərin cəsədləri, məhbusların qaçması əks olunub.
Hücum edilən həbsxanada ölümə məhkum edilənlər də daxil olmaqla Əl-Şəbab üzvlərinin yaşadığı bildirilir. Obyekt ciddi mühafizə altındadır.
