İsrail Livanda Hizbullah hərəkatının üzvləri arasında peycer və rabitə vasitələrinin bombalanmasından əvvəl ABŞ-ı məlumatlandırmadı, lakin hücumdan sonra Vaşinqtona baş verənlərin təfərrüatlarını çatdırdı.
Bu barədə Amerikanın “The Washington Post” qəzeti mənbələrə istinadən məlumat yayıb.
“İsraillilər hücumun təfərrüatları barədə ABŞ-ı hadisə baş verməmişdən əvvəl məlumatlandırmayıblar, lakin bu barədə Vaşinqtonu daha sonra kəşfiyyat kanalları vasitəsilə məlumatlandırıblar”, – deyə nəşr bildirib.
Eyni zamanda, qəzet vurğulayır ki, “İsrailin əməliyyatı tam olaraq necə həyata keçirə bildiyi” qeyri-müəyyən olaraq qalır. İsrailin hərbi kəşfiyyat agentliyinin adı açıqlanmayan müşaviri və keçmiş yüksək səviyyəli daxili təhlükəsizlik komandiri agentlərin peycer təchizat zəncirinə nəzarəti ələ keçirmiş, cihazları boşaltmış və kiçik miqdarda partlayıcı ilə doldurmuş ola biləcəyini irəli sürdü.
