İsrail Müdafiə Qüvvələri HƏMAS-ın məsul üzvünü öldürüb.
Bu barədə İsrail Müdafiə Qüvvələrinin rəsmi “Telegram” kanalında paylaşım edilib.
Məlumata görə, öldürülən şəxs HƏMAS terror təşkilatına qarşı casusluqda şübhəli bilinən şəxslərin dindirilməsinə cavabdehlik daşıyıb.
“Əməliyyat zamanı İsrail Hərbi Hava Qüvvələrinə məxsus təyyarə Qəzza zolağının cənubunda terror təşkilatına qarşı casusluqda şübhəli bilinən şəxslərin dindirilməsinə cavabdeh olan Bilal Nofəli məhv edib. Nofəlin HƏMAS-ın tədqiqat proseslərinin inkişafında mühüm rolu olub. Onun aradan qaldırılması terror təşkilatının öz imkanlarını inkişaf etdirmək və genişləndirmək qabiliyyətinə əhəmiyyətli dərəcədə təsir göstərəcək”, – deyə paylaşımda qeyd edilib.
