İsrailin xarici işlər naziri Gideon Saar Fələstinin Həmas hərəkatı tərəfindən girov götürülənlərlə vəziyyəti müzakirə etmək üçün BMT Təhlükəsizlik Şurasının iclasında iştirak etmək üçün avqustun 4-də Nyu-Yorka gələcək.
“Bu axşam mən BMT Təhlükəsizlik Şurasının sabah keçirilməsi planlaşdırılan və girovlarla bağlı vəziyyətə həsr olunacaq iclasında iştirak etmək üçün Nyu-Yorka gedəcəyəm”, – nazir mətbuat konfransı zamanı deyib.
Onun sözlərinə görə, fələstinli radikallar hazırda 50-yə yaxın girov saxlayır, onlardan “məqsədlərinə çatmaq üçün alət kimi” istifadə edirlər. Saar bildirib ki, Həmas Qəzza zolağında hakimiyyəti saxlamaq və İsrailə öz şərtlərini qoymaq istəyir. O əlavə edib ki, dünya ictimaiyyəti mülki şəxslərin qaçırılması praktikasına son qoymalıdır.
