Politico xəbər verir ki, İsveçin Mülki Müdafiə və Fövqəladə Halların İdarə Olunması Agentliyi (MSB) ölkədə biznes üçün ilk fövqəladə hallara hazırlıq təlimatını dərc edib.
Sənəd bizneslərə “müasir təhlükələrə, o cümlədən kiberhücumlara və hibrid müharibələrə qarşı” kömək etmək üçün nəzərdə tutulub.
Qəzet onu da yazır ki, bu təşəbbüs artan geosiyasi risklərə cavabdır. Sığorta brokeri Willis Towers Watson-un nəşrdə təqdim etdiyi məlumatlara görə, beynəlxalq şirkətlərin 2023-cü ildə siyasi risklərdən itkiləri indiyə qədər qeydə alınan ən yüksək həddə çatıb.
“Politico”nun məlumatına görə, 2018-ci ildə İsveçdə köhnə materiallar əsasında ev təsərrüfatları üçün “Böhran və ya müharibə baş verərsə” adlı broşür nəşr edilib. Bu təlimat İkinci Dünya Müharibəsi zamanı istifadə edilmiş və 1980-ci illərdə çapını dayandırmışdır. 2024-cü ilin payızında ölkənin hakimiyyət orqanları əhali üçün fövqəladə hallara hazırlıq təlimatlarını yenilədi.
