İsveçin xarici işlər naziri Tobias Billström bildirib ki, İsveç hökuməti krallığın Şimali Atlantika Alyansına qoşulmaq üçün müraciətinə Türkiyə parlamentində baxılması perspektivlərini müsbət qiymətləndirir, Svenska Dagbladet xəbər verir. Onun sözlərinə görə, NATO-nun Vilnüsdə keçirilən sammitində Ankaranın verdiyi vədlər hələ də aktualdır.
“Bizim ilk növbədə Türkiyəni izləmək üçün səbəbimiz var, çünki Macarıstanda [Baş nazir] Viktor Orban İsveçin ratifikasiya prosesində sonuncu olmayacaqlarını söylədi. Hər şey onu deməyə əsas verir ki, biz ratifikasiya prosesinin başlanğıcına çox yaxınıq, o zaman ki, bütün sənədlərimiz Ankaradakı Prezident Aparatından parlamentə ötürüləcək ki, onlar onlarla işləməyə başlaya bilsin”, – Billström qeyd edib.
O əlavə edib ki, Türkiyənin NATO-ya müraciətini təsdiqləməsi iki dövlət arasında münasibətlər üçün faydalı olacaq. Billström vurğulayıb ki, Ankara və Stokholm ən azı təhlükəsizlik sahəsində əlaqələri yaxşılaşdıracaq.
Mənbə: A Haber
