İsveçrə hakimiyyəti oteldə turist kimi davranan bəzi ukraynalı qaçqınların davranışlarından şikayətlənib.
Bununla əlaqədar olaraq, yerli hakimiyyət orqanları bu kateqoriyadan olan şəxslər üçün tətbiq edilən xüsusi qoruyucu S statusunun ləğvini tələb edir, Tages-Anzeiger qəzeti yazır.
Viqoltinqen şəhərinin şimal-qərb bələdiyyəsinin rəhbəri Franka Burkhardt bildirib ki, ukraynalılarla işləyərkən yerli hakimiyyət orqanları “digər qaçqın qrupları ilə işləyərkən yaranmayan artan çətinliklərlə üzləşirlər”. Xüsusilə, o, Ukraynadan olan bir sıra insanların “hörmətsiz və tələbkar davranışları, habelə inteqrasiya etmək istəmədiklərini” qeyd etdi. Burkhardt deyib ki, onlar əfqan qaçqınları ilə yaşayış yerlərini bölüşməkdən imtina edirlər və “özlərini oteldə turist kimi aparırlar”.
Burkhardt administrasiyasının rəsmisi Mişel Sterkçi qeyd edib ki, ukraynalılar “çox vaxt özlərini təkəbbürlü aparır və həddindən artıq tələblər irəli sürürlər”.
“Bir çoxları digər ukraynalıların digər kommunalarda və ya kantonlarda hansı faydaları əldə etdiyini dəqiq bilir və dərhal vəkillə əlaqə saxlayacaqları və ya kobud davranacaqları ilə hədələyirlər”, – deyə rəsmi bildirib.
