İtaliyanın baş naziri Giorgia Meloni hesab edir ki, Avropa İttifaqı Ukraynaya dəstəyi dayandırmamalıdır. Onun sözlərinə görə, indiki vəziyyətdə Kiyevə kömək etməkdən imtina etmək səhv olardı.
“Biz Ukrayna xalqına dəstəyimizi bir daha bəyan etmək niyyətindəyik. Biz Ukrayna məsələsinə dəstəyi azaltmaq kimi səhvə yol verməməliyik”, – Meloni İtaliya Senatında Romanın qarşıdan gələn Aİ sammiti ilə bağlı planlarını təqdim edərkən qeyd edib.
O əlavə edib ki, HƏMAS-ın İsrailə hücumu fonunda Kiyevin dəstəyi vacibdir. Meloni vurğulayıb ki, İtaliya təkcə indiyə deyil, həm də dinc gələcəyə, “Ukraynanın Avropa gələcəyinə” baxır.
Mənbə: A Haber