Argentinalı jurnalist Matias Maçado “Axmat Qroznı”nın futbolçusu Bernard Berişanın Rusiya çempionatının 17-ci turunun matçında Moskva “Spartak”ının baş məşqçisi Gilyermo Abaskala tərəf tullanmasını təxribat adlandırıb. O, fikirlərini Euro-Futbol.Ru ilə bölüşüb.
“Aydındır ki, bu, təxribatdır. Nədənsə Berişa rəqibin ehtiyat oyunçular skamyasına qaçır və baş məşqçiyə tullanır. Bəs onun içinə uçsa nə olardı? Baş məşqçinin hər ehtimala qarşı bir addım atdığını görürəm. Argentinada bunun cəzası nə olacaq? Əminəm ki, futbolçu meydandan qovulacaqdı və çox güman ki, meydanda dava olacaqdı (gülür)”, – jurnalist bildirib.
Komandasının qolunu qeyd edərkən Berişa hər iki ayağı ilə Abaskala doğru tullandı. İspan futbolçunu geri itələdi. Matçın baş hakimi Yevgeni Kukulyak futbolçuya sarı vərəqə göstərib, qırmızı-ağlıların çalışdırıcısı meydandan kənarlaşdırılıb. Reqlamentə əsasən, yarımmüdafiəçi rəqibin ehtiyat oyunçular skamyasının yerində olduğuna görə də qırmızı vərəqə almalıdır.
Mənbə: Euro-Futbol.Ru
